Siglir tar il cuntegn

Exteriur Conferenza da clima: Emprima cunvegna per basa da tractativas

A l'inscunter davart il clima a Paris èn ils delegads sa cunvegnids sin ina nova basa da tractar: Els han acceptà il nov text sco basa per ils discurs sin nivel da ministers che cumenzan glindesdi.

laurence tubiana
Legenda: Tenor la manadra da las tractativas per la Frantscha, Laurence Tubiana, è la basa per las tractativas dals ministers preparada. Keystone

Il text da basa saja in segn da vulair chattar ina schliaziun l'emna che vegn, ha ditg la delegada franzosa Laurence Tubiana. Dumondas centralas, sco per exempel l'agid finanzial per pajajis en svilup, restan dentant anc adina dispitaivlas.

Il sboz per in contract saja vegnì reducì sin 20 paginas, resguardont midadas e dubis da singuls stadis. La finamira da la conferenza da l'ONU cun represchentants da 196 stadis è da chattar ina cunvegna, co limitar la midada dal clima sin in nivel supportabel. Il contract duai esser pront fin venderdi che vegn.

RR novitads 14:00