Siglir tar il cuntegn

Header

Navigaziun

Purtret da Ueli Maurer.
Legenda: Ueli Maurer di che las citads e las vischancas sajan involvadas tras quai ch'ils chantuns resguardian las individualitads. Keystone
cuntegn

Exteriur Confederaziun involva be indirect citads e vischnancas

Per preparar da nov la refurma da la taglia sin interpresas n'involva la Confederaziun betg direct citads e vischnancas. Minister da finanzas, Ueli Maurer defenda quest proceder.

La resistenza da citads e vischnancas è stada in impurtant motiv per la disditga da la refurma da taglias sin interpresas III. En l'organ che duai preparar ina nova proposta, n'èn gist quellas partidas betg represchentadas. Ueli Maurer, il minister da finanzas defenda quest proceder.

L'organ che duai preparar ina nova proposta è sa constituida ils 2 da mars, ha Maurer declerà glindesdi en l'ura da dumondas dal Cussegl naziunal. Las citads e las vischnancas vegnian cumpigliadas stretgamain en questa lavur. In'emprima audiziun haja gia gì lieu.

Partenaris da contact directs da la Confederaziun sajan adina ils chantuns, ha ditg Maurer. Il Cussegl federal giaja da quai anora che las situaziuns spezialas da las citads e da las vischnancas vegnian resguardadas. Quels sajan per la gronda part cuntents cun la cumposiziun da l'organ.

L'emna passada aveva la suprastanza da l'Uniun da las citads svizras crititgà che las citads e las vischnancas na sajan betg represchentadas en l'organ. Ils chantuns han quatter represchentants u represchentantas.

RR novitads 17:00