Siglir tar il cuntegn
Inhalt

Exteriur Concurrenza ord las atgnas retschas

Il socialist Arnaud Montebourg ha annunzià sia candidatura per las proximas elecziuns presidialas en Frantscha. El candidescha encunter ses collega da partida - il president actual François Hollande.

Arnaud Montebourg vul daventar successur da François Hollande
Legenda: Cumbat tranter ils socialists en Frantscha Arnaud Montebourg vul daventar successur da François Hollande Keystone

L'anteriur minister d'economia da la Frantscha - il socialist Arnaud Montebourg - ha annunzià sia candidatura per las proximas elecziuns presidialas l'auter onn 2017.

Sco Montebourg ha ditg a Paris saja quai nunpussaivel da sustegnair il president actual François Hollande. Montebourg fa part da l'ala sanestra dal Parti Socialiste. Hollande vul decider pir la fin da l'onn sch'el candidescha anc ina giada per il presidi franzos.