Commerzi cun umans saja il mument la fatschenta illegala che saja la pli lucrativa en l'entir mund, citeschan medias talianas ina pledadra da Frontex.
Adina pli savens offreschian ils cuntrabandists da persunas lur purschidas sin Facebook. Tenor Europol èn passa 30’000 cuntrabandists da persunas en acziun en l'Europa. Il cumbat cunter il commerzi da persunas muntia ina prioritad absoluta, betg mo per Europol, mabain per tut ils pajais da l'UE. Europol vul crear ina unitad al port da Piräus en Grezia per pudair cumbatter meglier il commerzi cun umans sur la Tirchia.
RR novitads 12:00