Siglir tar il cuntegn
Inhalt

Exteriur Come-back da Hillary Clinton

L'anteriura ministra da l'exteriur e candidata dals democrats per la presidenza dals Stadis Unids fundescha in'atgna organisaziun politica.

Hillary Clinton.
Legenda: Hillary Clinton è enavos cun ina nov'organisaziun politica. Keystone

Cun l’organisaziun «Onward Together» vul ella animar umans da s'engaschar politicamain e da far resistenza cunter il president dals Stadis Unids, Donald Trump.

«Onward Together» veglia animar persunas da s'engaschar, s'organisar e cunzunt candidar. Quai ha communitgà Hillary Clinton via Twitter.

Sin la pagina d'internet da sia nov'organisaziun vegn regurdà al fatg che Clinton ha survegnì il november passà prest 66 milliuns vuschs – pia dapliras che Trump. Tuttina ha ella pers las elecziuns dal president cunter il candidat dals republicans.

RR novitads 06:00