Siglir tar il cuntegn

Header

Navigaziun

Ina demonstraziun en la Columbia
Legenda: En pliras citads da la Columbia hai dà la gievgia demonstraziuns per pasch. Keystone
cuntegn

Exteriur Columbia – votaziun davart cunvegna da pasch adattada è pussaivla

La speranza sin pasch en la Columbia cun ils rebels da la FARC na mora betg. Suenter il na al referendum davart la cunvegna da pasch tranter la regenza ed ils rebels, pudessan ils Columbians bainprest survegnir ina segunda schanza.

Il president da stadi Manuel Santos po fixar in nov referendum sch'il text da la cunvegna vegn midà, quai ha declerà il cussegl da votaziun da la Columbia. Il mument negoziescha Santos tant cun la FARC sco era cun l’opposiziun e represchentants da la societad civila, per chattar ina schliaziun da la crisa.

Il cumenzament da l’october aveva il pievel columbian refusà en ina votaziun mo per pauc la cunvegna da pasch. Las emnas passadas hai lura adina puspè dà demonstraziuns per pasch e per ina cunvegna cun la FARC.

RR novitads 12:00