Siglir tar il cuntegn

Header

cuntegn

Exteriur Columbia – Ils rebels èn per pasch

En la Columbia han ils rebels da la Farc approvà uffizialmain la cunvegna da pasch da la regenza. Els hajan acceptà unanimamain la cunvegna da pasch - la guerra saja a fin - ha ditg il negoziader principal da la Farc.

Quai è il resultat d’ina conferenza che ha durà in’emna – e che ha manà ensemen 200 delegads da l’organisaziun da gueriglia marxistica. La cunvegna era vegnida contractada a fin avant in mais, ella duai metter ina fin al conflict tranter la regenza da la Columbia ed ils rebels ch’è pli che 50 onns vegl.

Il cumenzament d'october vuschan uss anc ils burgais da la Columbia davart la cunvegna. Suenter duain observaders da l'ONU survegliar - ch'omaduas varts respectian la pasch.

RR novitads 22:00

Artitgels legids il pli savens