Siglir tar il cuntegn
Inhalt

Exteriur Columbia è ferm pertutgada da malauras

Dapi l'entschatta da l'onn èn 360 persunas mortas en la Columbia pervi da plievgia intensiva. Quai ha communitgà il president Juan Manuel Santos. Da quai da 100 persunas valan anc sco sparidas.

Purtret da la bova enorma a Mocoa en Columbia.
Legenda: Questa bova en la citad Mocoa, la fin mars ha chaschunà ils pli blers morts. Reuters

Ils pli blers morts hai dà pervi d'ina bova en la citad da Mocoa la fin da mars. L'emna passada èn danovamain pliras persunas mortas pervi da bovas en il vest ed en il sid dal pajais.

Tenor president Santos è la midada dal clima responsabla per quests eveniments. El ha pretendì da tractar la natira pli precautamain. Cuntradas da guauds e da flums devastadas stoppian puspè vegnir refatgas.

RR novitads 12:00