Siglir tar il cuntegn

Exteriur Collisiun da dus trens en Austria

Tar l'accident da tren è almain ina persuna morta. 22 persunas èn vegnidas blessadas levamain.

In tren demolà fitg ferm da la vart ed in auter dal qual ins vesa mo il tren ad autotracziun.
Legenda: Collisiun da dus trens en l'Austria. Keystone

Ina dunna è morta cura che dus trens èn collidads en la Steiermark. 22 persunas sajan blessadas levamain, tranter questas trais uffants. Quai fa a savair la polizia austriaca via twitter. Ils dus trens sajan collidads da la vart, curt avant l'ina en la staziun da Niklasdorf. In tren saja svià.

Tenor indicaziuns da las Viafiers federalas austriacas sa tractia d'in tren regiunal e d'in tren Eurocity. Il motiv da la collisiun n'è anc betg cler.

RR novitads 15:00