Siglir tar il cuntegn
Inhalt

Exteriur Collaps dal gudogn tar la Ruag

In di suenter ch'è vegnì enconuschent in cas da fatschentas dubiusas tar la Ruag, suonda la proxima schletta novitad: Il gudogn è sa sminuì per pli che 20%.

Logo Ruag.
Legenda: Il schef Urs Breitmeier n'è betg cuntent cun las cifras. Keystone

Tiers quai che la svieuta è creschida per 5,2% sin 1,96 milliardas è il gudogn dal concern d'armament da la Confederaziun sa sminuì. La Ruag ha il 2017 fatg in gudogn dad 98 milliuns francs, 22,8% pli pauc.

Quai perquai che la profitabilitad n'haja betg pudì tegnair pass. Per cifras negativas han tranter auter procurà las restructuraziuns en il sectur da sistems da campagna. Er ch'ils tiradurs da sport americans han cumprà pli pauca muniziun ha contribuì al resultat. L'onn avant avevan blers americans cumprà muniziun ord tema che Hillary Clinton ch'è cunter armas vegnia presidenta.

Nus n'essan betg cuntents cun las cifras.
Autur: Urs BreitmeierSchef da la Ruag

RR novitads 12:00