Siglir tar il cuntegn
Inhalt

Exteriur Coca-Cola vul reducir il zutger

Il concern da Cola-Cola vul reducir marcantamain il zutger en sias bavrondas. Fin en trais onns duai la Coca-Cola e sias soras dultschas vegnir main dultschas.

Bavrondas da Coca-Cola.
Legenda: Coca-Cola vul reducir la cunpart dal zutger en lur bavrondas. Keystone

Sco quai che Coca-Cola ha confermà, veglian els sbassar il zutger per 10 perschient fin l'onn 2020. Quai ha ditg il schef dal concern James Quincey. Cunquai reagescha il concern american era sin giavischs da clients: Pli e pli blers damondan bavrondas main dultschas.

Quai pretenda grondas stentas. Nus midain recepts, iniziain pli pitschens pachets e la fin finala vulain pli cleras infurmaziuns da products per consuments.
Autur: James Quinceyschef dal concern Coca-Cola

Zutger saja ina «sfida per bleras societads». En blers pajais consumeschan ina gronda part dals carstgauns memia bler zutger, quai en bavrondas sco era en victualias. Coca-Cola sa chatta en ina midada. Il concern prova gia daditg d'adattar la paletta da products e porscher bavronds cun damain zutger. La sfida saja gronda.

RR novitads 10:00