Siglir tar il cuntegn
cuntegn

Exteriur Coaliziun per regenza grecca stat

En Grezia è la partida dals populists independents da la dretga sa cunvegnida ad ina regenza da coaliziun cun la partida sanestra Syriza, la victura da las elecziuns da la fin d'emna.

Il nov primminister da la Grezia Alexis Tsipras.
Legenda: Il nov primminister da la Grezia Alexis Tsipras. Reuters

La partida da la sanestra Syriza è cun 36 pertschient da las vuschs la clera victura da las elecziuns da la fin d'emna. Per la maioritad absoluta en il parlament na tanscha quai dentant betg. Per pudair furmar la regenza dovri perquai ina coaliziun.

Victoria procura per perditas

La victoria da l'allianza sanestra Syriza tar l'elecziun dal parlament en Grezia ha procurà per marcantas perditas sin il martgà d'aczias. L'index da la bursa grecca è crudà la damaun per enfin 5,6%.

Avant las elecziuns dal parlament aveva il schef da partida, Alxis Tsipras empermess da far ina fin a las mesiras da spargn rigurusas dal pajais en la crisa. El aveva signalisà als partenaris da l'Uniun europeica sia prontadad per discurs per ina schliaziun faira e praticabla quai che pertutga ils debits da la Grezia.

RR Novitads 12:00