Siglir tar il cuntegn
cuntegn

Exteriur Coaliziun militara da Jemen per pausa da cumbat da 2 dis

En il Jemen duain las armas taschair per 48 uras. La coaliziun militara che vegn timunada da l'Arabia Saudita ha proclamà ina pausa da cumbat a partir dad oz a las 10:00 temp europeic.

In mattet sesasin las ruinas d'ina chasa destruida a Sanaa, Jemen.
Legenda: In mattet sesasin las ruinas d'ina chasa destruida a Sanaa, Jemen. Reuters

Quella possia vegnir prolungada sch'ils rebels laschian medemamain taschair las armas e lubeschian furniziuns d'agid per las citads occupadas, rapporta l'agentura da novitas saudiaraba SPA.

En il Jemen cumbattan truppas da la regenza sunnitas dapi il 2014 cunter rebels ed ulteriuras milissas schiitas. Dapi lura èn vegnidas mazzadas prest 7000 persunas, per gronda part civilists.

RR novitads 07:00