Siglir tar il cuntegn

Exteriur Coaliziun islamica cunter il terrorissem

L'Arabia Saudita ha creà ina coaliziun islamica cunter il terrorissem. 34 pajais sa participeschian a la coaliziun. Quai ha communitgà l'agentura da novitads statala.

Il prinzi ereditar da  l'Arabia Saudita Mohammed bin Salman (san.) en discurs cun il president egipzian  Abdel Fattah al-Sisi.
Legenda: Il prinzi ereditar da l'Arabia Saudita Mohammed bin Salman (san.) en discurs cun il president egipzian Abdel Fattah al-Sisi. Keystone

Tar la coaliziun tutgan tranter auter l'Egipta, la Libia, il Maroc u er il Pakistan. Betg da la partida è l'inimi da l'Arabia Saudita - l'Iran.

La coaliziun na cumbattia betg mo l'organisaziun terroristica «Stadi Islamic» mabain scadina organisaziun terroristica, ha ditg Mohammed bin
Salman, il prinzi ereditar e minister da defensiun da l'Arabia Saudita.

En la chapitala Riad vegn endrizzà in center communabel per coordinar e sustegnair las acziuns militaras.

RR novitads 06:00