Il pli tard dumengia saira duessi esser cler, sch'ils Cristiandemocrats (CDU/CSU), ils liberals (FDP) ed ils Verds èn insumma pronts da furmar ina regenza communabla en Germania. Fin lura han las partidas prolungà il termin per las tractativas.
Craps da stgarpitsch: Protecziun dal clima e politica da fugitivs
Da discutar dattan il mument cunzunt anc dumondas da la protecziun dal clima e da la politica da fugitivs. Pir cura ch'ils negoziaders da las singulas partidas sa cunvegnan en questas dumondas, pon ils discurs da coaliziun per propi entschaiver.
«Nagina raschun per debattas plain panica davart elecziuns novas»
Il president da la Republica federala tudestga, Frank-Walter Steinmeier, ha avertì las partidas cumpigliadas, da prender serius lur obligaziun e responsabladad. Ellas duain evitar elecziuns novas. «I na dat nagina raschun per debattas plain panica davart elecziuns novas», ha Steinmeier ditg a la «Welt am Sonntag».
RR novitads 12:00
