Siglir tar il cuntegn

Header

cuntegn

Clima Concentraziun da CO2 uschè auta sco anc mai

Scienziads americans han registrà la pli auta concentraziun da CO2 en l’atmosfera, dapi l’entschatta da lur registraziuns ils onns 1950. Uschè auta era la valur stada avant trais milliuns onns.

Ils davos quatter onns èn stads ils pli chauds dapi l’entschatta da las registraziuns ch’ils scienziads han fatg sin l’insla da Hawaii. Malgrà la cunvegna davart il clima da Paris e dapli chapientscha per il problem en la publicitad, vegnia mintg’onn emess dapli CO2.

Per cuntanscher las miras da la cunvegna davart il clima da Paris, stuess ins investir sin l’entir mund fin il 2030 il dubel en energias regenerablas. Questa stimaziun deriva da l’Agentura internaziunala d’energia IEA. La summa stuess crescher da 304 milliardas dollars l’onn 2018 sin 606 milliardas, ha la IEA declerà il mardi. Il medem mument duvrassi fermas reducziuns tar las investiziuns en ieli e charvun.

RR novitads 12:00

Artitgels legids il pli savens