Siglir tar il cuntegn
Inhalt

Exteriur Christian Millau è mort

Il criticher da gastronomia e confundatur dal guid da restaurants, Gault et Millau, Christian Millau è mort. Quai ha Gault/Millau communitgà. El aveva 88 onns.

Fundaturs «Gault Millau» Henri Gault e Christian Millau (dretg).
Legenda: Fundaturs «Gault Millau» Henri Gault e Christian Millau (dretg). Fotografia da l'onn 1977 (archiv). Keystone

Oriundamain era Christian Millau schurnalist. El ha lavurà sco redactur per politica da l'intern tar la gasetta «Le Monde». Il 1969 ha el fundà ensemen cun ses amì Henri Gault il guid da restaurants. Gault è gia mort l'onn 2000.

Suenter il «Guide Michelin» è «Gault/Millau» il pli impurtant guid da restaurants en Frantscha. El è derasà sin l'entir mund e vegn translatà en 12 linguas.

«Nouvelle Cuisine»

Christian Millau e Henry Gault han influenzà la noziun «Nouvelle Cuisine» - la cuschina che ha gì ils onns 70 gronda influenza sin la simpla preparaziun da menus cun ingredienzas frestgas . Il «Gault Millau» ha valità restaurants tenor sistem da notas da scola en Frantscha da 0 fin 20 puncts.

RR novitads 16:00