Siglir tar il cuntegn
Inhalt

Exteriur Chombra da commerzi americana: «Dazis da multa betg contemporans»

En la dispita da commerzi tranter l’Uniun europeica ed ils Stadis Unids duain omaduas varts surlavurar lur dazis. Quai pretenda la chombra da commerzi americana en Germania.

Containers per import.
Legenda: Ils dazis per autos èn en l'Uniun europeica quatter giadas uschè auts sco en ils Stadis Unids. Keystone

La chombra da commerzi americana en Germania vul prender sut la marella l'actual sistem da dazis tranter la Germania ed ils Stadis Unids ed adattar el. Tschertas regulaziuns na sajan betg pli contemporanas.

Sco exempel numna il schef da la chombra Frank Sportolari ils dazis da multa da 25% ch'ils Stadis Unids pretendan da l'Europa per importar camiuns. Questa regulaziun sa basa sin il 1950. Per quai na dettia ozendi nagin arguments plausibels. Però er tschertas regulaziuns da l'Europa na correspundian betg pli al temp actual. Uschia pretenda l'Europa dazis da multa da 10% sin autos americans, dentant ch'ils Stadis Unids pretendan mo 2,5%.

Futur davent dal matg intschert

La guerra da dazis stat en connex cun ils dazis per aluminium ed atschal, ch'ils Stadis Unids han relaschà il mars. La Germania n'è per il mument anc excludida, dentant mo enfin il prim da matg, suenter èsi anc intschert.

RR novitads 09:00