Siglir tar il cuntegn

Exteriur China vul investir $ 60 milliardas en l'Africa

Ils proxims 3 onns vul la China investir 60 milliardas dollars en l'Africa. Quai ha declerà il president da la China, Xi Jinping, ad in inscunter cun schefs da stadis africans a Johannesburg.

xi jinping al pult
Legenda: Il president da la China, Xi Jinping, tar ses pled al forum China-Africa en il Sandton Convention Centre a Johannesburg. Keystone

Ils daners duain servir surtut per l'infrastructura sco vias, ports e la viafier. En pli èsi previs da construir fabricas per artitgels d'export e da scolar experts.

Africa è partenari da fatschentas principal da la China

Ils ultims 15 onns ha il commerzi da la China cun l'Africa surpassà quel cun l'Europa ed ils Stadis Unids. L'Africa è interessanta per la China tranter auter pervi da la gronda quantità da materias primas.

RR novitads 16:00