China surdat glista cun suspectads da corrupziun

La China ha surdà als Stadis Unids da l'America ina glista cun nums d'anteriurs burgais chinais che vegnan inculpads da corrupziun. Las persunas sin la glista èn scappads en l'America.

Xi Jinping avant la bandiera chinaisa.

Legenda da maletgs: Xi Jinping il president chinais vul cumbatter la corrupziun. Reuters

Quants nums che figureschan sin questa glista n'ha il schef da l'uffizi cunter corrupziun betg tradì a la gasetta chinaisa China Daily.

L'onn passà avevan las autoritads chinaisas discurrì da passa 150 uschènumnads fugitivs d'economia. L'avust che vegn vulan represchentants dals dus pajais contractar sut tge cundiziuns che questas persunas duain vegnir menadas enavos en China. Tranter la China ed ils Stadis Unids na datti betg ina cunvegna d’extradiziun.

RR novitads 11:00