Las bursas chinaisas eran gia serradas, ils commerziants en l'Europa han però reagì immediat. L'index dal martgà svizzer è s'augmentà curt avant las 13:00 per radund 4% l'index dal martgà tudestg per bunamain 5%.
Ordavant avevan investiders en China ed a l'exteriur crititgà la passivitad da las autoritads suenter che l'index da la bursa a Shanghai era per part crudada per fin 8%.
L'emna aveva cumenzà turbulent
Actualmain munta la sperdita anc var 4%. Il glindesdi aveva la China subì cun var 8% il pli grond minus dapi 8 onns. Era en il Giapun era l’index da Nikkei crudà il glindesdi, quai sut la marca impurtanta da 18’000 puncts. L'index è dentant puspè sa revegnì en il decurs dal mardi.
Il minister da finanzas dal Giapun aveva admonì la China suenter las turbulenzas a las bursas, da prender mesiras per stabilisar ils martgads da finanzas da la China.
RR Novitads 07:00 / 14:00