Exteriur - China: Forzas da segirezza mazzan 28 terrorists
Las forzas da segirezza chinaisas han mazzà 28 persunas. Quellas sajan responsablas per l'attatga sin ina miniera da charvun il settember passà. I sa tracti da terrorists dirigids da l'exteriur, ha la regenza da la provinza Xinjjang declerà a la gasetta Xinjiang Daily.
Tar l'attatga sin la miniera eran mortas 16 persunas – tranter quellas tschintg policists. En la provinza en il vest da la China datti ils ultims onns adina puspè malruaus e violenza tranter il pievel muslim Uigur ed ils Han Chinais. La regenza a Peking dat la culpa ad islamists radicals. Activists per ils dretgs umans din dentant che la regenza n'haja nagins mussaments per questa pretensiun.
