Siglir tar il cuntegn
Inhalt

Exteriur China blocchescha «Panama Papers»

La censura chinaisa ha bloccà ils palpiris davart firmas da chaschas da brevs da parents da politichers chinais. Tenor infurmaziuns da la «China Digital Times» a Hongkong ha la censura ordinà da tschertgar e stizzar rapports davart firmas d'offshore en oasas da taglia.

purtret da Liu Yunshan
Legenda: Liu Yunshan, in dals commembers permanents dal biro politic. Er ses num cumpara en ils Panama Papers. Keystone

Vegnì tuttina chattà infurmaziuns sin paginas d'internet èsi vegnì smanatschà cun consequenzas severas. En las medias socialas èsi vegnì evità la tschertga da «Panama Papers». Las medias chinaisas han fin ussa per gronda part ignorà las scuvertas.

Tenor rapports èn parents dad almain 8 commembers actuals u anteriurs da la giunta dal biro politic pertutgads da la scuverta da datas.

RR novitads 12:00