Siglir tar il cuntegn
Inhalt

Exteriur China: Attatga da cuntè

Tar in'attatga cun in cuntè sin scolars en il nord da la China èn almain nov persunas mortas.

Lieu a Mizhi.
Legenda: La polizia ha arrestà in um da 28 onns. Keystone

Set mattas e dus mats è vegnis mazzads tar in'attatga cun in cuntè en la citad Mizhi. Quai rapporta l’agentura da novitads statala.

La polizia ha arrestà in um da 28 che vegn suspectà d'esser responsabel per l'act criminal. L'um haja attatgà ils scolars d'ina scola media, cura ch'els sajan stads sin via a chasa. En l'emprima interrogaziun sajan la polizia vegnida a savair, che l'attentader saja probabel in anteriur scolar da la scola pertutgada.

Adina puspè attatgas sin scolars

Attatgas sin scolars n'èn nagut nov en la China. Il 2016 aveva in um medemamain attatgà scolars cun il cuntè, avant che mazzar sasez. Il 2014 ha in um cuntellà trais uffants ed in scolast perquai che la scola na vuleva betg prender si sia figlia ed il 2013 ha in um mazzà pliras persunas en ina scola en Shanghai.

RR novitads 11:00