Avant era vegnida stritgada la part, tenor la quala concerns da tecnologia activs en China avessan stuì arcunar lur datas da clients en la China. Ultra da quai avessan ils concerns stuì surlaschar a la autoritads chinaisas lur tecnicas da codar.
Ferma critica cunter sboz da la lescha
Tenor il text final da la lescha duain purschiders da telefon ed internet sustegnair las autoritads en il cumbat cunter il terrorissem.
Las passaschas numnadas eran vegnidas crititgadas fermamain da differentas varts da l’exteriur – tranter auter d’associaziuns d’interpresas, da diplomats e d’activists per ils dretgs umans.
Dapli cumpetenzas per polizia
Tenor indicaziuns da las autoritads chinaisas duai la nova lescha da segirezza proteger meglier la China d’attatgas terroristicas. A medem mument duai la lescha er proteger burghais chinais en l’exteriur.
Dasper novas reglas per la segirezza en l’internet survegn la polizia dapli cumpetenzas. Uschia duain policists spezialisads en il futur pudair manar atras acziuns d’anti-terror er en l’exteriur.
RR novitads 11:00