Siglir tar il cuntegn

Header

cuntegn

Exteriur Chile: Immens incendis da guaud

En il Chile èn mortas almain 11 persunas en consequenza d'immens incendis da guaud. Quai ha confermà la regenza chilena.

Dals totalmain 130 incendis sajan passa 70 anc adina betg sut controlla. Las flommas han destruì 1'100 chasas. Autas temperaturas sur 35 grads e ferm vent engrevgieschan las lavurs da stizzar. Ils davos dis è la surfatscha dal guaud e terren agricul ch'è pertugà da las flommas sa dublegià sin 3'870 kilometers quadrat.

La Frantscha - il Peru - il Portugal - la Spagna - la Columbia - l'Argentina ed il Mexico han tramess passa 500 pumpiers. Els duain gidar ils pumpiers chilens da stizzar ils fieus.

Ils Stadis Unids da l'America gidan da stizzar ils fieus cun aviuns.

RR actualitad 08:00

Artitgels legids il pli savens