Chicago porta plant cunter regenza da l'USA

La metropola na vul betg s'adattar a la politica d'immigraziun da la regenza da Donald Trump.

Purtret da la skyline da Chicago.

Legenda da maletgs: La metropola da Chicago porta plant cunter la regenza da Donald Trump. Keystone

La metropola Chicago vul purtar plant cunter la regenza da Donald Trump pervi da sia politica d’immigraziun. Il plant vegnia inoltrà glindesdi. La raschun per quest plant è l’annunzia da la regenza da stritgar las subvenziuns a las uschenumnadas «Sanctuary Cities» per cas che questas citads refuseschan vinavant da cooperar cun las autoritads naziunalas.

RR novitads 09:00

«Sancuary Cities»

«Sanctuary Cities» èn citads da refugi che protegian immigrants a moda speziala. Per exempel sa dostan ellas cunter mesiras exageradas envers fugitivs. Er New York e Los Angeles èn talas citads da refugi.