Curt avant ch'il campiunadi europeic da ballape entschaiva chaschunan chaumas vinavant impediments en Frantscha. Tar las viafiers statalas SNCF è vegnì fatg oz chauma l'8avel di en seria e concludì da cuntinuar cun il cumbat da lavur.
Tar la SNCF èn ils impediments stads oz in pau pli pitschens ch'ils davos dis. Radund 80% dals trens directs TGV e 60% dals trens Intercity èn cursads. En l'aglomeraziun da Paris è dentant mintg'auter tren crudà ora. Damaun quint’ins cun novas bloccadas ord protest encunter la refurma da lavur dispitaivla da la regenza socialista.
