Siglir tar il cuntegn

Exteriur Chauma tar Lufthansa ha cumenzà

Sin plirs eroports en Germania han cumenzà las chaumas annunziadas dal persunal a terra. Dieschmillis da passagiers ston uschia quintar cun retards e sgols che crodan or.

In um sin in velo davos in aviun da la Lufthansa.
Legenda: Blers aviuns restan a terra. Plirs tschients sgols croda or pervi da la chauma. Keystone

Per augmentar il squitsch en la dispita da tariffa ha il sindicat Verdi appellà a chaumas sin sis eroports, tranter auter er a Minca e Frankfurt. El pretenda sis pertschient dapli paja per ils 2,1 milliuns collavuraturs.

En consequenza han las duas societads aviaticas grondas Lufthansa ed Air Berlin annullà bunamain 900 sgols. Er en Svizra crodan plirs sgols: A Turitg vegnan stritgadas 22 colliaziuns da ed en Germania.

Gia l'onn passà avevi dà grondas chaumas. Il november 2015 aveva il persunal da cabina fatg chauma set dis. Quai è stada la pli lunga chauma en l'istorgia da la Lufthansa ed ha chaschunà custs da radund 140 milliuns euros.

RR novitads 06:00 / 27.04.2016, 07:30