Siglir tar il cuntegn
cuntegn

Exteriur Chauma blochescha vita publica a Barcelona

En la Catalugna blochescha ina chauma generala ina gronda part da la vita publica. A Barcelona è ina gronda part da las butias serradas, rapportan medias. Ils meds da transport publics charreschian be limità, plinavant dettia colonnas perquai che demonstrants blocheschian las vias.

Purtret dad ina demonstraziun dals 2. d'october 2017.
Legenda: La chauma effectuescha ina gronda part da la Catalugna. Ma ils demonstrants vulan restar paschaivels. Keystone

Appellà a la chauma han tranter auter ils sindicats, organisaziuns separatisticas ed il club da ballape da Barcelona. Els protestan encunter la violenza da la polizia tar la votaziun davart l'independenza da la dumengia. Lura eran vegnidas blessadas 900 persunas.

Il president catalan, Carles Puigdemont saja persvadì che la chauma vegnia suandada da fitg bleras persunas. Il medem mument ha el dentant apellà als demonstrants da restar paschaivels en vista a la violenza da la polizia da la dumengia.

RR novitads 14:00