Siglir tar il cuntegn

Header

cuntegn

Exteriur Chauma als eroports Tegel e Schönefeld prolungads

Enfin la mesemna duai il persunal a terra als dus eroports da Berlin anc far chauma, ha communitgà il sindicat Verdi.

Enfin mesemna endamaun las tschintg ston passagiers anc quintar cun problems als eroports da Berlin, Tegel e Schönefeld. La chauma che ha cumenzà glindesdi a bunura duai vegnir prolungà enfin mesemna bunura. Radund 448 starts a Tegel e 194 starts a Schönefeld vegnian probablamain annulads.

Tut ils sgols da ed a Berlin da la Swiss èn stritgads. Pertutgads èn dentant er las colliaziuns dad AirBerlin da Turitg en la chapitala tudestga, e quellas dad Easyjet da Basilea a Berlin. Air Berlin ed Easyjet han avertì ch'i saja da quintar cun annullaziun e gronds retards.

Pir il venderdi eran gia crudads ora tschients da sgols. Intginas associaziuns da sgol han lura svià lur sgols sur Dresden e Leipzig. Quels han mintgamai surpitlià radund 25 sgols.

RR novitads 11:00

Artitgels legids il pli savens