Chattar schliaziun ensemen cun Al-Assad

La nova regenza da l'Australia vul integrar il president sirian Baschar al-Assad tar la tschertga d'ina schliaziun da pasch en Siria. Tenor la ministra da l'exteriur australiana dettia ei mo l'opziun d'ina unitad naziunala cun includer il president Assad.

Malcolm Turnbull, il primminister da l'Australia

Legenda da maletgs: Malcolm Turnbull, il primminister da l'Australia. Reuters

En in'intervista dal Weekend Australian ha la ministra agiuntà ch'ella haja fatg stim durant in inscunter da l'ONU che pli e pli blers stadis sajan dal medem avis. Il reschim da Assad possia avair ina funcziun-clav en il cumbat cunter la gruppa da terror Stadi Islamic. Da curt aveva er la chanceliera tudestga Angela Merkel menziunà ch'ins stoppia discurrer cun Baschar Al Assad.

RR novitads 16:00