Siglir tar il cuntegn

Exteriur Chattà segunda black-box da l’aviun da la Germanwings

Passa in'emna suenter la crudada da l'aviun da la Germanwings en las Alps franzosas han ils investigaders er chattà la segunda black-box. Quai ha fatg a savair la procura publica a Marseille.

In dals lavurers che tschertgavan la black-box.
Legenda: In dals lavurers che tschertgavan la black-box. Keystone

Quella pudess dar ulteriur scleriment davart quai ch'è succedì tar la crudada da l'aviun. Il co-pilot vegn suspectà d'avair serrà or dal cockpit ses collega e d'avair laschar crudar intenziunadamain l'aviun cun 150 persunas a bord.

S'infurmà davart suicidi

Entant ha la procura publica a Düsseldorf communitgà ch'il co-pilot saja s'infurmà enfin in di avant la disgrazia en l'internet davart furmas da suicidi e davart mecanissems da segirtad da portas da cockpit.