Chatschada ord uffizi: presidenta da la Brasilia Dilma Rousseff

Il senat brasilian ha decidì cun ina maioritad da duas terzas da las vuschs ch'ella sto ir.

Dilma Rousseff sto bandunar ses post.

Legenda da maletgs: Nagina schanza malgrà ils cunterarguments: Dilma Rousseff sto bandunar ses post. Keystone

La presidenta da la Brasilia Dilma Rousseff è vegnida suspendida. Il senat a Brasilia relaschà ella cun ina maioritad da duas terzas da las vuschs da ses uffizi. Il presidi va ussa en ils mauns dals vice-president Michel Temer che vegn a reger la Brasilia a moda liberal-conservativa fin las novas elecziuns il 2018.

A Rousseff è vegnì rinfatschà d'avair sfalsifitgà il deficit. Plinavant haja ella approvà credits che n'eran betg vegnids autorisads dal congress. Dilma Rousseff ha refusà las rinfatschas e discurrì d'in putsch.

Il vice surpiglia

Successur da Rousseff è il vicepresident fin ussa Michael Temer da la partida moviment democratic PMDB che vul manar il pajais cun ina regenza liber-conservativa enfin las elecziuns dal 2018. Temer è gia vegnì saramentà.

Venezuela reagescha

La Venezuela ha mess sin glatsch las relaziuns diplomaticas cun la Brasilia. Quai perquai ch'il parlament brasilian ha relaschà la presidenta Dilma Rousseff da ses uffizi. La regenza da la Venezuela discurra d'in culp da stadi en la Brasilia. Perquai èsi vegnì decis da clamar enavos l'ambassadur, ha communitgà il ministeri da l'exteriur. Sin quai ha era la Brasilia clamà enavos ses ambassadur.

RR novitads 06:00