Siglir tar il cuntegn
cuntegn

Exteriur Chasti da record per Google

Suenter avair analisà ina quantitad gigantica da datas ha la cumissiun da l’UE pronunzià in chasti da record per Google.

In telefonin cun Goolge shoppin sin il visur.
Legenda: Chasti da record per Google. Keystone

ll concern d’internet Google sto pajar in chasti da passa 2,4 milliardas euros. Ddecretà il chasti da record ha la cumissiun da l’UE. Sch’utilisaders tschertgian products da cumpra sin Google, dischavantageschia Google la concurrenza. Uschia argumentescha la cumissiun. Google maldovria cun quai sia posiziun predominanta al martgà. Il concern ha uss 90 dis peda da midar ses cumportament. Uschiglio smanatschan ulteriuras sancziuns.

Il concern Google ha declerà en in’emprima reacziun che l'interpresa na saja betg d’accord cun quest’argumentaziun da l’UE. E Google vegnia ad examinar in’appelaziun cunter il chasti.

RR novitads 12:00