Chasti da 288 milliuns dollars per la CS

La banca svizra Credit Suisse sto pajar in chasti da 288 milliuns dollars. Quai ha decidì ina dretgira a Dallas.

bajetg da la cs a new york

Legenda da maletgs: Dretgira americana fa pajar la CS in chasti da milliuns. Keystone

Purtà plant aveva il hedgefond Highland Capital che ha investì il 2007 en in implant en il stadi Nevada. Il fond ha pretendì che la Credit Suisse haja valità bler memia aut l'implant «Lake Las Vegas» ch’è ì bancrut. La banca aveva argumentà che la crisa d’immobiglias saja responsabla per la perdita.

La Credit Suisse examinescha anc sch'ella tira vinavant il cas u betg. Il cas n'è betg la suletta dispita giudiziala da la Credit Suisse en ils Stadis Unids.

RR novitads 18:00