Siglir tar il cuntegn

Header

cuntegn

Exteriur Chas'Alva relativescha annunzias da Trump

L'annunzia provocanta da Donald Trump d'attatgar la Siria cun rachetas è vegnida relativada da la Chas'Alva.

Ina attatga da rachetas sin la Siria saja mo ina da pliras opziuns. Uschia ha la Chas’Alva a Washington relativà l’annunzia dal president american Donald Trump. Tenor la pledadra dal president, Sara Sanders, na saja anc betg cler, co ils Stadis Unids reageschian sin l’attatga probabla cun gas toxic. I dettia bleras opziuns. Avant aveva Trump annunzià via Twitter da vulair attatgar la Siria cun ina racheta.

Guterres appellescha al Cussegl da segirezza da l'ONU

En vista al conflict en Siria che s’agravescha, ha il secretari da l'Organisaziun da las Naziuns Unidas ONU, Antonio Guterres, appellà al Cussegl da segirezza da l’ONU. Ils tschintg commembers permanents duajan guardar che la situaziun na daventia betg nuncontrollabla. Gueterres fetschia quitads davart la discordia en il Cussegl da segirezza davart il conflict en Siria. En ina sesida d’urgenza dal mardi han fatg naufragi trais sboz da resoluziun – u pervi d'in veto da la Russia u dals Stadis Unids.

RR novitads 06:00

Artitgels legids il pli savens