En il Chanal dal Suez ch'è stà bloccà pervia da la nav a containers «Ever Given» datti puspè moviment. Fin il mardi en damaun duain 113 dals plirs tschients bastiments che stattan en colonna – pudair sa metter sin viadi tras il chanal.
Malgrà che la bloccada è a fin, vegni tenor las societads da navigaziun a durar plirs dis fin che l'entira colonna da navs è sa schliada. Quellas averteschan perquai lur clients ch'i pudessi duvrar pliras emnas u mais – fin che la rauba arriva.
L'emprim anc tests
La nav a containers «Ever Given» ha entant puspè pudì sa muventar ord atgna forza sin il Chanal dal Suez. La nav gigantica vegn examinada, avant ch’ella dastga cuntinuar ses viadi vers il port da Rotterdam. Il mardi da l’emna passada era la nav sa fitgada en il terren, pervi d’in stemprà da sablun.