Chamenei avertescha l’Arabia Saudita

Suenter ch'il spiritual schiit Nimr Al-Nimr è vegnì executà en l'Arabia Saudita, ha il pli aut clerical da l'Iran, Ayatollah Ali Chamenei, avertì il reginavel saudit da la «Vendetga da Dieu».

Il pli aut clerical da l'Iran, Ayatollah Ali Chamenei.

Legenda da maletgs: Ayatollah Ali Chamenei avertescha da la «Vendetga da Dieu». Keystone

Ayatollah Ali Chamenei ha discurrì da consequenzas sveltas. Al-Nimr avevi sulettamain exprimì critica publica. El n'avevi betg animà insatgi da duvrar armas u fatg plans en il zuppà.

Avant avevan demonstrants attatgà l'ambassada da l’Arabia saudita en la chapitala iranaisa Teheran, e bittà materia ardenta en il bajetg. Tenor la procura publica èn 40 persunas vegnidas arrestadas. Per oz suentermezdi han students iranais appellà ad ulteriurs protests avant l'ambassada saudita.

RR Novitads 12:00