Siglir tar il cuntegn

Header

cuntegn

Chadaina da fortuna Gidar nua ch'igl è pussaivel

I manca il pli necessari: Schebain il sistem medicinal sco er il sistem d'educaziun èn crudads ensemen. Duas dunnas che èn/eran activas per organisaziuns umanitaras en il Jemen raquintan da lur impressiuns.

Situaziun medicinala

Il problem grond è ch'ils gronds centers medicinals èn betg pli en funcziun. Grondas parts da la populaziun n'han betg access als ospitals ch'i dat anc. Quai è er in grond problem: malsognas rumpan or, sco per exempel colera, difteria u virustgel. Quellas malsognas pon esser mortalas. Uschia èn ospitals d'organisaziuns d'agid fitg necessaris.

Igl è betg simpel d'importar medicaments en il Jemen – ma igl è pussaivel, l'agid vegn al lieu.
Autur: Erika Widmercoordinatura medecinala tar MSF
Erika Widmer

Erika Widmer

coordinatura medicinala tar MSF

Avrir la boxa da profilSerrar la boxa da profil

Erika Widmer, oriundamain tgirunza, era tranter 2016 e 2018 pliras giadas en il Jemen. Ella lavura tar Medecins Sans Frontieres (MSF) ed è responsabla per l'agid medicinal.

audio
Chadaina da Fortuna – situaziun medicinala en il Jemen
ord Actualitad dals 28.03.2019.
laschar ir. Durada: 3 minutas 9 Secundas.

Situaziun da scolaziun

Ina gronda part da l'infrastructura è donnegiada, blers scolasts na survegnan betg ina paja, las classas schloppan e material da scola manca. I saja dentant gist uss durant la guerra fitg impurtant da mantegnair scolas. Pertge quella generaziun che duaja vegnir scolada uss è la generaziun che duaja in di suenter la guerra puspè bajegiar si la terra. Plinavant èn scolas in lieu d'educaziun, in lieu da segirtad mo er in lieu da vegnir a frida cun quai ch'è passà per ils uffants.

Igl è uss immens impurtant d'investir en il sistem d'educaziun.
Autur: Larissa Allescoordinatura da Save the Children en il Jemen
Larissa Alles

Larissa Alles

coordinatura da Save the Children en il Jemen

Avrir la boxa da profilSerrar la boxa da profil

Larissa Alles è dapi dus onns activa en il lieu per l'organisaziun Save the Children (savens en la chapitala Sanaa, mumentan ad Aden). Ses pensum principal è da controllar la situaziun umanitara e guardar nua ch'igl è il pli impurtant da gidar.

audio
Bunura: Jemen – La situaziun al lieu
ord Actualitad dals 28.03.2019.
laschar ir. Durada: 3 minutas 24 Secundas.

Motto: Gidar nua ch'igl è pussaivel

- Nua? Las organisaziuns umanitaras èn activas en l'entir Jemen (en territoris occupads dals rebels «Huthi» sco er en territoris dals «Loialists»), cunzunt dentant en il vest da la terra.

- Co organisà? Per il solit vegn l'agid sur la mar en las citads da port Aden/Hodeida u sur l'aria en la chapitala Sanaa.

- Co pussaivel? Ils collavuraturs da las organisaziuns stattan en contact cun las gruppas armadas per sa cunvegnir co e cu els dastgan furnir medischina u vivonda. Ils autos che vegnan charrads da organisaziuns èn signalisads e uschia per omaduas partidas da la guerra enconuschents.

Tge organisaziun gida co?

Avrir la boxSerrar la box

ADRA: reparter nutriment / tractament da persunas alimentadas manglus / agid medicinal d'urgenza

Handicap International: reabilitaziun da blessads / fisioterapia / agid psicosocial

Save the Children: protecziun d'uffants / provediment d'aua / installaziuns sanitaras / scolaziun

Medecins Sans Frontieres: lavur medicinala en trais ospitals en la regiun dals rebels Huthi

RR actualitad 08:00

Artitgels legids il pli savens

Scrollar a sanestra Scrollar a dretga