Siglir tar il cuntegn

Header

cuntegn

Exteriur Catastrofas han chaschunà dapli donns ma damain morts

Terratrembels, orcans, inundaziuns ed incendis da guaud han chaschunà l'onn passà en bleras regiuns dal mund grevas devastaziuns. Ils donns economics èn creschids sin il pli aut nivel dapi il 2012.

Tenor il re-assicurader Swiss Re muntan ils donns economics da terratrembels, orcans, inundaziuns ed incendis sin l'entir mund a 175 milliardas dollars. Quai è prest il dubel da l'onn avant.

Millis da persunas mortas

Prest 330 catastrofas han chaschunà radund 11'000 morts. Quai perencunter è massivamain pli bass che l'onn precedent, nua che 26'000 persunas eran mortas pervi da catastrofas.

Sco cas singul era il hurcian Matthew cun 700 morts ina catastrofa cun ils pli bers morts.

Sco ils davos quatter onns era l'Asia pertugada il pli fitg. Il pli grond donn total ha il terratrembel da l'avrigl 2016 sin l'insla Kyushu en il Giapun chaschunà. E quai cun in donn en l'autezzia da var 25 fin 30 milliardas dollars.

RR novitads 12:00

Artitgels legids il pli savens