Siglir tar il cuntegn
Inhalt

Exteriur Catalugna na vul betg suandar las ordinaziuns da Madrid

Las autoritads da la Catalugna na vegnan tenor la regenza regiunala betg a tadlar sin ordinaziuns da la regenza centrala spagnola. Ina cunvegna tranter Barcelona e Madrid n'è betg en vista.

Chasa municipala da Barcelona.
Legenda: Chasa municipala da Barcelona (maletg da simbol). Keystone

Tut las instituziuns, era la polizia, hajan da suandar quai che la regenza catalana elegida a moda democratica dia. Quai ha ditg il pledader da la regenza regiunala a Barcelona vers l'emettur BBC.

Sche l'Uniun europeica laschia tiers ina direcziun directa da l'administraziun da Madrid, perdia ella credibladad.

Co pudess l'UE viver cun questa situaziun, sch'i vegniss uschè lunsch.
Autur: Raul Romevapledader da la regenza

Nagins contacts tranter Barcelona e Madrid

Tenor la vice-primministra spagnola, Soraya Saenz de Santamaria n'ha la regenza spagnola betg pli gì contact cun la regenza catalana dapi sonda. Plinavant ha ella ditg, che Madrid possia definir singuls represchentants che duain diriger transitoric la Catalugna.

RR novitads 10:00