La regenza centrala spagnola a Madrid ha gia annunzià da puspè introducir l'administraziun giudiziala che la regenza sut il president regiunal Quim Torra na resguardia betg las leschas.
La regenza centrala a Madrid dubitescha ch'i saja legal da prender si ministers arrestads u en fuigia en ina regenza. Quim Torra, il president regiunal dalla Catalugna, ha ditg pliras giadas che tenor el saja anc adina Carles Puigdemont il president legitimà. El vegnia a sa tegnair vid la finamira da Puigdemont da separar la Catalugna da la Spagna e daventar independent.
Carles Puidgdemont era vegnì mess giu sco president da la Catalugna entras la regenza centrala spagnola perquai ch'el aveva instradà ina votaziun davart l'independenza. Quella votaziun è tenor la regenza a Madrid stada illegala.
RR novitads 17:00
