Siglir tar il cuntegn
Inhalt

Exteriur Catalugna: Elecziuns sco votum per u cunter la regenza a Madrid

L'anteriur schef da regenza da la Catalugna, Carles Puigdemont, declera las elecziuns novas dal december sco votum sur da la regenza centrala a Madrid.

Carles Puigdemont durant ses pled avant las medias en Belgia.
Legenda: Carles Puigdemont durant ses pled avant las medias en Belgia. Keystone

Ils 21 da december giaja persuenter dad u acceptar l'agir da Madrid cunter l'independenza u betg. En la Belgia ha Puigdemont preschentà il medem mument sia candidatura per las elecziuns novas.

L'october era Puigdemont fugì en Belgia per che la polizia spagnola na possia betg arrestar el. Cunter el e quatter auters ministers catalans datti cumonds d'arrest internaziunals. Actualmain examinescha la Belgia anc sche Puigdemont duai vegnir surdà a la giustia spagnola sco quella ha dumandà u betg.

Suenter ina votaziun davart l'independenza da la Catalugna aveva la regenza centrala a Madrid surpiglià la contolla cun ina gronda offensiva da las forzas da segirtad. Quai sa basond sin l'artitgel 155 da la constituziun spagnola.

RR novitads 17:00