Siglir tar il cuntegn
cuntegn

Exteriur Cas giuridic custa a la Deutsche Bank 2,5 milliardas euros

La banca da la Germania, la Deutsche Bank, ha gì ils emprims 3 mais dal 2015 custs per proceduras giuridicas da 2,5 milliardas euros. Malgrà quests custs possia la banca preschentar in gudogn per l’emprim quartal, communitgescha la Deutsche Bank.

Ina tavla cun il logo da la Deutsche Bank.
Legenda: Da tge cas giuridic ch'i sa tracta n'è betg cler. Keystone

Per tge proceduras giuridicas ch’ils daners han stuì vegnir dads ora n’è betg cler. Insiders avevan gia inditgà ch’i spetgia la Deutsche Bank custs da passa 2,5 milliardas euros pervi da manipulaziuns dals tschains. Questa summa stoppia la banca pajar en enclegientscha cun ils Stadis Unids e cun la Gronda Britannia, scrivan las agenturas da novitads.

RR novitads 6:00