Siglir tar il cuntegn

Header

cuntegn

Exteriur Carnaval a Rio – ulteriur accident tar il til da samba

19 persunas èn vegnidas blessadas tar in ulteriur accident cun in car da carnaval en il Sambódromo da Rio de Janeiro. Tar l’emprim accident in di avant eran vegnidas feridas 20 persunas.

Il mardi è crudà ensemen la plattafurma sisum il car da carnaval da la scola da samba «Unidos da Tijuaca». Sis ballarins èn vegnids purtads a l’ospital, dus dad els cun blessuras grevas, ha rapportà la pagina brasiliana globo.com sa referind al ministeri da sanadad brasilian. Indesch persunas hajan in schoc.

Emprim accident l'emprim di

Gia al cumenzament dal til da las scolas da samba il glindesdi eran vegnidas blessadas 20 persunas tar in accident cun in car da carnaval. Il til è dentant vegnì cuntinuà tuttina.

Samba total en il Sambódromo

Il final da la concurrenza da las scolas da samba è il punct culminant dal carnaval da Rio de Janeiro. Las 12 meglras scolas cun pli che 3’000 ballerinas e musicists èn en concurrenza per il titel dal campiun. Il til da concurrenza las notgs da glindesdi e mardi vegn guardà da 72’000 persunas.

RR novitads 11:00

Artitgels legids il pli savens