Siglir tar il cuntegn

Header

Navigaziun

Il champ da fugitivs Moria sin Lesbos
Legenda: Il champ da fugitivs Moria sin Lesbos Keystone
cuntegn

Exteriur Caos suenter incendi en champ da fugitivs a Lesbos

Pervia d'in fieu han millis persunas stuì bandunar in champ da fugitivs sin l'insla greca Lesbos. Da quai da 3 fin 4 milli fugitivs hajan bandunà il champ da Moria, quai ha in represchentant da la polizia communitgà.

Il fieu saja entant sut controlla. Blessads n'haja dà nagins. Quai rapporta l'agentura da novitads greca ANA.

Ordavant avevi para dà dispitas tranter migrants. Quai suenter currellas ch'i saja planisà ch'ulteriuras persunas vegnian tramess enavos en Tirchia.

Medias grecas rapportan che la situaziun saja escalada e ch'il fieu saja vegnì mess intenziunadamain.

La Grezia dat il mument dimora a passac 60'000 fugitivs. Ils blers dad els vulan ir vinavant en Germania u en auters pajais da l'Europa dal Vest.

RR novitads 22.00