Siglir tar il cuntegn
Inhalt

Exteriur Candidatura da Clinton pudess patir

La Fundaziun Clinton conceda che ses rapports finanzials cuntegnan sbagls. Da quai pudess la candidatura da Hillary Clinton sco presidenta americana patir.

La democrata Hillary Clinton vul candidar sco president americana.
Legenda: La democrata Hillary Clinton vul candidar sco president americana. Keystone

Els hajan fatg ils sbagls senza vulair, ha la fundaziun d'utilitad publica communitgà. Ins haja maschadà contribuziuns da la regenza cun ulteriuras donaziuns. Uss succedia ina revisiun externa dals rapports finanzials.

Hillary Clinton è sa retratga avant duas emnas da la fundaziun ch'ella aveva fundà ensemen cun ses um, l'anteriur president Bill Clinton. Dapi il 2001 ha la fundaziun rimnà var duas milliardas dollars.