Decisivas èn las 714 vuschs dals uschè numnads "super-delegads". Quai èn auts represchentants da la partida democratica che pon vuschar libramain per in candidat, els pon però era adina midar opiniun. Fin uss han 571 super-delegads empermess a Clinton da vuschar il fanadur per ella.
Sanders sa mussa cumbattiv
Il concurrent da Clinton, Bernie Sanders, crititgescha però questa dumbraziun. I saja sbaglià da las medias dad er dumbrar ils super-delegads. El vegnia a sa spruvar fin il di da partida da far midar idea quels.
Ulteriuras pre-elecziuns
Sin basa da retschertgas vegn spetgà che Clinton po augmentar vinavant ses avantatg tar las proximas pre-elecziuns il mardi. En questa davosa runda pli gronda da pre-elecziuns datti tranter auter decisiuns en ils stadis California e New Jersey.
RR Novitads 06:00