Siglir tar il cuntegn
Inhalt

Exteriur Canada legalisescha marihuana

Sco emprim stadi industrial grond vul il Canada lubir da fimar marihuana a partir da la stad 2018. Quai è stada ina da las empermischuns electoralas dal primminister Justin Trudeau.

Persuna che fima.
Legenda: Ina dunna demonstrescha en la chapitala Ottawa per la legalisaziun da marihuana. Keystone

Il Canada vul legalisar il consum privat da marihuana. La regenza ha preschentà in sboz da lescha correspundent. Grazia a la maioritad en il parlament vali sco segir che la lescha vegn approvada. Uschia vegn il consum ad esser lubì probabel davent dal fanadur 2018.

Empermischun electorala

Da legalisar il consum privat da marihuana è stà ina da las empermischuns electoralas dal primminister Justin Trudeau. Il Canada fiss l’emprim stadi industrial G7 che faschess quest pass. Ils aderents spetgan da quest pass damain criminalitad e meglra protecziun da minorens.

RR novitads 06:00